سوزاک کیا ہے ؟

سوزاک چھوت دار بیماری ہے جو عمومی طور پر جنسی بے راہ روی کی وجہ سے وقوع پذیر ہوتی ہے۔ جس کے جراثیم عضو تناسل کے ذریعے اندر داخل ہو کر پیشاب کی نالی کی جھلی کو متورم یا زخمی کر دیتے ہیں۔ جس کی وجہ سے پیشاب کے ساتھ پیپ اور خون آنے لگتا ہے۔ 

سوزاک کی وجوہات

سوزاک جنسی بے راہ روی یعنی زنا اور بالخصوص حائضہ یعنی جس عورت کو حیض کے ایام ہوں یا بیمار ہو سے منہ کالا کرنے کے نتیجہ میں وقوع پزیر ہوتا ہے۔  سوزاک کے جراثیموں سے پیشاب کی نالی متورم ہو جاتی ہے۔ سوزاک کے اثرات منہ ، عضو تناسل مردانہ و زنانہ ، مقعد وغیرہ میں ظاہر ہوتے ہیں۔ اس مرض میں مبتلا عورت کے بچے بھی اس مرض کا شکار ہو سکتے ہیں۔

سوزاک کی علامات و نشانیاں

عضو تناسل میں درد، سوجن محسوس ہوتی ہے۔ پیشاب بے حد جلن اور تکلیف کے ساتھ آتا ہے۔ الغرض یہ جراثیم مادہ منویہ میں شامل ہو کر انفیکشن کا باعث بنتے ہیں جس سے مردانہ بانجھ پن یعنی بے اولادی جیسی ہولناک بیماری کا سامنا کرنا پڑتا ہے۔ اس کے ساتھ سرعتِ انزال کا عارضہ بھی ہو جاتا ہے۔