زنانہ بانجھ پن کیا ہے ؟

بانجھ پن سے مراد عورتوں میں حمل ٹھہرنے اور بچے کو جنم نہ دینے کی صلاحیت کا نہ ہونا ہے۔ جنسی فعل کے دوران مرد کے تولیدی مادے جب شرمگاہ میں پہنچتے ہیں تو ساتھ ہی اس کی دیواروں سے ایک الکائن برآمد ہوتا ہے جس کے ہمراہ مادہ تولید اوپر کی جانب رحم اور دو پتلی قاذف نالیوں میں پہنچ کر نسوانی بیضوں کو زر خیز بنا دیتا ہے۔ بعض اوقات اعضائے جنسی اور اعضائے تولیدی کے جسمانی نقص پیدائشی بھی ہو سکتے ہیں اور حادثاتی بھی۔ اس کے نتیجے میں رحم کی شکل بگڑ جاتی ہے اور ڈھیلی ہو کر لٹک جاتی ہے۔ قاذف نالیاں کمزور ہو جاتی ہیں اور پردہ بکارت سخت اور بے لچک ہو جاتا ہے اور عورت بچہ جننے کے قابل نہیں رہتی۔ عام جسمانی حالت خراب اور کمزور ہونے کے ساتھ ساتھ جنسی مخصوص اعضاء بھی لاغر  ہو جاتے ہیں۔ جیسے قاذف نالیوں میں ورم اور سوجن ہو جاتی ہے۔

زنانہ بانجھ پن کی وجوہات

 خون کی کمی، لیکوریا، اور قبض وغیرہ بھی ان بیماریوں میں شدت پیدا کرتے ہیں ۔ بچہ جننے کے قابل نہ ہو سکنے کا ایک سبب یہ بھی ہو سکتا ہے کہ بعض ضروری غدود اور بعض اعضائے تولید ضائع ہو جاتے ہیں یا پھر ان کے فعل میں نقص واقع ہو جاتا ہے۔ بعض مرتبہ موٹاپا ، اور یا پھر دبلا پن بھی  اس صورتِ حال سے دو چار کر دیتا ہے۔ ٹینشن، ڈپریشن، ذہنی انتشار، جذباتی دباؤ اور ماحول کی خوف زدگی بھی بانجھ پن کا سبب بن سکتے ہیں۔ اس سلسلہ میں یہ بات پھر ذہن نشین کر لیں کہ بار بار جماع سے حمل قائم نہیں ہوتا، بلکہ رحم کو بار دار اور نطفہ قبول کرنے کے لئے تیار ہونا ضروری ہے۔ موقع بے موقع جماع کرنے سے لذت تو ضرور حاصل ہوتی ہے، لیکن استقرار حمل ہونا ضروری نہیں۔ یہی وجہ ہے کہ بچہ پیدا کرنے والی عورتوں کو بھی ہر جماع میں حمل قائم نہیں ہوتا بلکہ اسی وقت ہوتا ہے جب ان کا رحم نطفہ قبول کرنے کے لئے تیار ہوتا ہے۔

زنانہ بانجھ پن کی علامات و نشانیاں

زنانہ بانجھ پن کی علامات و نشانیاں یہ ہیں، ایامِ حیض کی بے قاعدگی، ایام ِ حیض کی تکالیف اور کثرتِ حیض، بعض اوقات حیض آتے ہی نہیں، ہارمونز میں کمی بیشی، جلدی امراض، مباشرت میں بے رغبتی، چہرے پر فالتوبالوں کا اُگنا، سر کے بالوں کا باریک ہو جانا، وزن میں اضافہ ہو کر موٹاپا ہو جانا اور دورانِ مباشرت تکلیف ہونا وغیرہ