جگر و مثانے کی زائد گرمی کیا ہے ؟

جگر و مثانے کی گرمی جسم میں حدِ اعتدال سے بڑھی ہوئی  گرمی ہوتی ہے۔ یعنی ماحولیاتی اثرات کے پیشِ نظر اور دیگر کئی وجوہات کی بناء پر جگر و مثانے میں زائد گرمی ہو جاتی ہے اور یہ عموماً نوجوانوں کو ہوتی ہے۔ دھوپ میں کام کاج ، کھیل کود کرنے والے اور جو لوگ پانی کا استعمال کم کرتے ہیں  اس کا جلدی شکار ہو جاتے ہیں۔

جگر و مثانے کی زائد گرمی کی وجوہات

جگر و مثانے کی گرمی زیادہ گرم ماحول میں رہنے سے ہو سکتی ہے۔ گرم و خشک اشیاء زیادہ مقدار میں استعمال کرنے سے بھی جگر و مثانے کی گرمی بڑھ جاتی ہے۔ اکثر نوجوان فحش لٹریچر، فلمیں اور دیگر فحش خیالات کی بھر مار کی وجہ سے بھی اس مسئلہ سے دو چار ہو جاتے ہیں۔

جگر و مثانے کی زائد گرمی کی علامات و نشانیاں

 جگر و مثانے کی بڑھی ہوئی گرمی سے جسم میں اک عجیب سی وحشت طاری رہتی ہے۔ غصہ بہت جلد آ جاتا ہے۔ دل کمزور اور سر چکراتا ہے۔ تھوڑی دیر بیٹھ کر اٹھنے میں چکر آ جاتے ہیں۔ خود اعتمادی میں کمی آ جاتی ہے۔ مریض جھگڑا لو ہو جاتا ہے۔ کسی پر بھی بھرو سہ کرنا دشوار ہو جاتا ہے۔ جسم سے جیسے آگ نکل رہی ہوتی ہے۔ بعض اوقات گمان ہوتا ہے کہ شاید بخار ہے۔ گرمیوں کے موسم میں شدید گھبراہٹ ہوتی ہے۔ کسی پل چین نہیں آتا۔ چہرے کا رنگ بھی بدلنا شروع ہو جاتا ہے۔ پیشاب نہایت جل کر اور پیلے رنگ کا آتا ہے۔ طرح طرح کے جنسی امراض جیسے ذکاوتِ حس، جریان، احتلام، سرعتِ انزال اور مردانہ کمزوری وغیرہ گھیرا ڈال لیتے ہیں۔ الغرض جگر و مثانے کی گرمی میں مبتلا مریض کوفت بھری زندگی جینے پر مجبور ہوتا ہے۔