مردانہ بانجھ پن کیا ہے؟

سپرم کی کمی سے مراد یہ ہے کہ مرد کی اولاد پیدا کرنے کی صلاحیت کا دارو مدار سپرم کی مقدار اور معیار پر ہوتا ہے۔ اور اگر سپرم کی مقدار کم ہو یا کمزور ہو تو پھر اولاد کا ہونا بہت دشوار اور بعض صورتوں میں تو بالکل ناممکن ہوتا ہے۔

مردانہ بانجھ پن کی وجوہات

سپرم میں کمی کی کئی وجوہات ہو سکتی ہیں جن میں شراب نوشی، سگریٹ نوشی، غذائی قلت، موٹاپا، ورزش کی کمی، ذہنی پریشانی وغیرہ تمام سپرم میں کمی کا باعث ہو سکتے ہیں۔مندرجہ ذیل وجوہات کی بناء پر بے اولادی ہو سکتی ہے۔

مادہ منویہ کا عدم انزال

تقریباً سات یا آٹھ لاکھ مریضوں میں سے ایک یا دو مریض ایسے ہوتے ہیں جن میں مادہ منویہ پیدا ہی نہیں ہوتا یا مادہ منویہ پیدا تو ہوتا ہے لیکن خارج نہیں ہوتا۔

سپرم کا نہ ہونا

آج جدید تحقیق و ترقی سے لبریز اکیسویں صدی شروع ہو چکی ہے جبکہ میڈیکل سائنس سپرم نہ ہونے جیسی بیماری کے بارے میں ابھی تک بالکل خاموش دکھائی دیتی ہے۔

سپرم کا مُردہ ہونا

اس مرض میں سپرم پیدا تو ہوتے ہیں لیکن تمام کے تمام مُردہ پیدا ہوتے ہیں اس کی وجوہات بھی وہی ہیں جو سپرم نہ ہونے میں بیان کی گئی ہیں۔

سپرم کا کم ہونا

اس مرض میں سپرم پیدا تو ہوتے ہیں لیکن انتہائی کم مقدار میں، یہ حمل ٹھہرانے کے لئے ناکافی ہوتے ہیں۔ اس کی وجوہات اس مضمون کے شروع میں بیان کر دی گئی ہیں۔

ویریکوسیل

خصیہ کے درجہ حرارت کے توازن کا بگڑ جانا یعنی خصیوں کا درجہ حرارت حدِ اعتدال سے تجاوز کر جاتا ہے۔

ہائیڈروسیل

خصیوں میں پانی بھر جانا یعنی خصیوں کی خلاؤں میں کسی دوسری بیماری کی وجہ سے پانی بھر جاتا ہے۔

ہارمونز کی خرابیاں

ہامونز مرد اور خواتین میں اولاد پیدا کرنے کے حوالے سے انتہائی اہم کردار ادا کرتے ہیں اگر خدا نخواستہ ہارمونز کا نظام بگڑ جائے تو مرد میں سپرم اور عورت میں بیضہ بشریہ کی پیداوار رُک جاتی ہے اور مریض بے اولادی کے زُمرے میں آجاتا ہے۔

مردانہ کمزوری

اولاد کے حصول کیلئے ہر مرد میں دو چیزوں کا سو فیصد ہونا انتہائی ضروری ہے۔ انسانی مادہ میں سپرم کی کامل مقدار اور زندہ سپرم کی مقدار کا مناسب ہونا اور مکمل طور پر وظیفہ زوجیت پر عبور ہونا یعنی مردانہ کمزوری نہیں ہونی چاہئے۔