موٹاپہ کیا ہے ؟

موٹاپا ایک ایسی حالت کا نام ہے جس میں بدن بہت ساری اضافی و فالتو چربی اپنے اندر جمع کر لیتا ہے اور جسم پھول جاتا ہے۔جسم کے وزن کا زیادہ ہونا اس لحاظ سے مختلف ہے کہ وزن زیادہ ہے لیکن جسم کا پھیلاؤ زیادہ نہیں۔ جسم کا وزن زیادہ ہونا اور موٹاپا ہونا دونوں الگ الگ کیفیات ہیں ۔ دونوں صورتوں میں اگر جسم کا وزن  مریض کے قد سے مطابقت نہ رکھتا ہو تو موٹاپا ہے۔ اگر کسی کا وزن مجوزہ صحت کے پیمانے سے بیس فیصد بھی زیادہ ہے تو وہ موٹاپے کا شکار ہے۔ اور اگر آپ  صحت کے پیمانے سے پچیس سے تیس فیصد زیادہ وزن کے حامل ہیں تو آپ کا وزن زیادہ ہے اور آپ موٹاپے سے دو چار ہیں۔

موٹاپے کی وجوہات

ضعفِ جگر موٹاپے کی سب سے بڑی وجہ ہوتا ہے۔ اس سے بدن میں بہت تیزی کے ساتھ خون کے سفید ذرات بننا شروع ہو جاتے ہیں اور خون کے سرخ ذرات کم ہونا شروع ہو جاتے ہیں۔ خون کے سرخ ذرات کم ہونے کی وجہ سے بدن میں چربی بڑی تیزی سے بنتی ہے اور ضعفِ جگر میں جب غدودِ ناقلہ کا فعل کمزور ہو جاتا ہے اور غدودِ جاذبہ کا فعل تیز ہو جاتا ہے تو وہ بڑی تیزی کے ساتھ ان رطوبتوں کو بدن میں جمع کرنا شروع کر دیتے ہیں۔  بسیار خوری  اور آرام پسندی بھی اس کی وجوہات میں شامل ہیں۔

موٹاپے کی علامات و نشانیاں

یوں تو موٹاپہ ویسے ہی محسوس ہو جاتا ہے لیکن اس میں چند مخصوص علامتیں ظاہر ہوتی ہیں جس میں بدن کا ٹھنڈا رہنا، جسم کا نرم ہونا اور چِپ چپا ہونا، بلڈپریشیر کم ہونا، سُستی اور غنودگی کا ہونا اور اعضاء کا سُوجا ہوا محسوس ہونا شامل ہیں۔

کیا آپ واقعی موٹاپے کا شکار ہیں؟ ابھی اپنے وزن کا حساب لگا لیں۔