ماہواری کی بندش کیا ہے ؟

 خواتین کو ہر ماہ مخصوص ایام میں حیض کا خون بالکل بند ہو جائے یا پھر نہایت کم آئے تو ایسی حالت کو ماہواری کی بندش کہا جاتا ہے۔ حیض کا بند ہو جانا بھی ایک قدرتی عمل ہے لیکن اپنی طبعی عمر سے قبل بند ہونا یقیناً ایک مرض ہے۔  حمل کے علاوہ نارمل حالات میں ماہواری کی بندش یا کمی ایک عارضہ ہوتی ہے اور اس کا مطلب یہ ہے کہ اس عورت کے داخلی نظام میں خصوصاً زنانہ اعضائے تناسلہ میں لاغری اور کمزوری واقع ہو گئی ہے۔

ماہواری کی بندش ایک خطرناک معاملہ ہے، لیکن جب کسی خاتون کی ماہواری کی بندش کے بعد زیادہ نمایاں قسم کی تبدیلیاں آتی ہیں تو یہ اس بات کی یقینی علامت ہے کہ اس کا جسم زہریلے مادوں کی آماج گاہ بن چکا ہے اور اسے فوری صفائی کی ضرورت ہے۔ یہ کام غذا کی اصلاح کے بغیر ممکن نہیں کیونکہ ماہواری کی بندش سے پہلے یہ خاتون کئی لازمی غذائی عناصر جیسے پروٹین، کیلشیم، میگنیشیم، وٹامن ڈی اور وٹامن ای کی کمی کا شکار رہ چکی ہوتی ہے۔ یہ کمی اس کے ماہواری نظام پر بھی اثر انداز ہوتی ہے۔ ماہواری کی بندش سے عورت اولاد جیسی عظیم نعمت سے بھی محروم ہو جاتی ہے۔

ماہواری کی بندش کی وجوہات

 اس کے کئی اسباب ہیں  جن میں سرِ فہرست حمل کا قرار پا جانا ہوتا ہے اور دیگر وجوہات میں  قلت ِ خون، بواسیر، سردی لگنے یا بارش میں بھیگ جانا، جسم کا موٹا ہو جانا، جنسی ہارمونز کی خرابی، پریشانی ، جذباتی اضطراب، رحم کی حالت کا بگاڑ وغیرہ خاص طور پر قابل ِ ذکر ہیں۔

ماہواری کی بندش کی علامات و نشانیاں

ماہواری کی بندش کی سب سے بڑی علامت یہ ہوتی ہے کہ ماہواری نہیں آ رہی ہوتی۔  طبیعت کی بے قراری، جسم کے درجہ حرارت میں کمی، بے خوابی، جنسی زندگی میں بے لطفی اور کمی ، بات  بات پر رونا آ جانا، کیل چھائیاں، داغ دھبے، پیڑو میں درد، چہرے کے فالتو بال، نظر کی کمزوری، سرد درد، بال گرنا، اور گاہے بہ گاہے چھاتیوں سے دودھ نکلنا وغیرہ  اس کی علامات ہیں۔